無綫電視（TVB）一年一度的台慶盛事即將舉行，今年的慶典備受關注，除了星光熠熠的嘉賓陣容，更有多個精彩表演項目陸續曝光。其中，港姐陳詠詩和李尹嫣亦積極投入台慶節目的綵排，為觀眾帶來耳目一新的演出。李尹嫣接受《香港01》訪問時表示：「呢排不停咁綵排，除咗噚日休息咗一日之外，基本成個月都行程係爆晒。變咗噚日我係瞓死咗，足足瞓咗成12個鐘，跟住瞓醒就執吓屋企，因為都好耐冇喺屋企。（媽咪有冇特別照顧你？）都冇，因為綵排完都返到屋企都凌晨一點幾，佢哋都瞓晒覺，到朝早佢哋起身我都仲瞓緊覺，所以我哋係好少會見到。」陳詠詩今次為台慶表演電單車上做高難度動作：「其實過程係有唔穩陣嘅地方，因為都好考驗車手嘅穩定性，屋企人都擔心我，都叫我小心啲，做唔到都唔好勉強。（有冇整親？）有少少撞瘀同埋有少少拗柴。（有冇睇跌打？）咁又冇，呢排都係按摩多啲。（邊個同你按？）哈哈！梗係搵專業人士幫我按啦。」
