【On.cc】俠醫︱陳豪幫張曦雯胸口施針 高難度動作晒驚人腰力
無綫劇《俠醫》昨晚（18日）繼續集輕鬆緊張於一身，陳豪（角色凌為民）身穿西裝拍攝短片示範「健盆腔操」，邊唸口訣「冷飲煎炸息肉生，倒掛腳蹈展腹腔」，雖然短短8秒，但由於陳豪要應付的動作相當高難度，除要大半個人離地趷起，僅剩上背及頭部緊貼地面展現驚人腰力外，還要不斷高舉雙腳「踩空中單車」，而且要配合口訣，超過10次NG。陳豪拍攝場口時，辛苦到使出招牌經典「高八度破音」及臉紅紅，嘆句：「呢套動作，呀～」事後監製April轉發相關NG片，並搞笑留言：「俠醫劇組虐老，但陳豪寶刀未老。」
陳豪受訪表示相關「片中片」涉及大量資料性學術語言，加上要同步示範高難度動作，令拍攝難上加難。談到劇中要應付多場打鬥場面，包括要武動重達8磅的7呎長「白蠟桿」及踢腿功，但年過50的陳豪都能做到，被問有腰力又好身手時，陳豪謙稱全靠日子有功，他說：「慶幸自己過往一直比較注重體能訓練，core都算強壯，同埋慶幸日子有功還能夠應付一般基本動作。」劇中又要應付大量資訊性對白，坦言確實難入腦：「由醫學到醫藥，人體的穴位、治療方式、藥物療效，坦白說，比起演醫生的戲還要有挑戰性；尤其是當精神狀態不理想，硬資料的對白會比較難入腦。」其中一場陳豪為張曦雯施針醫治乳腺增生的場口，只Close Up了Kelly的表情交代劇情，避免尷尬畫面。
陳豪大晒高難度動作。
真係一啲都唔易呀！
梗係辛苦啦！
好在陳豪平時都有操開。
陳豪幫醫治乳腺增生。
陳豪幫張曦雯施針。
只係Close Up張曦雯的表情交代劇情。
咁就唔怕尷尬啦！
另外，有「TVB御用惡人」之稱的彭懷安（Eddie），罕有由奸變忠，他差不多每集都受傷，被網民笑稱為「容易受傷的男人」，及最終在陳豪的醫治及心靈雞湯下，終改邪歸正。網民對於他洗底讚好，他受訪時感謝監製：「今次係我第一次咁多時間喺個劇入面做好人...嘅一套，其實我本身都係好人嚟，都係做番自己咋，哈哈哈...」又笑言今次成功洗底，全靠之前做得壞人多：「因為做得多壞人，就會知道壞人有啲咩唔好囉！希望觀眾都會鍾意我今次個角色啦。」他對於角色首次出場與陳豪的對打戲相當難忘，講述他遭陳豪以「白蠟桿」怒打，鏡頭所見，他硬食了「白蠟桿」一棍。他憶述拍攝情況時，指當時確痛至精神迷糊，他說：「嗰次真係打到連手都腫埋！因為我要用手隔住阿Mo（陳豪）支白蠟桿、又要同碌桿對打，結果搞到隻手腫晒，痛到要敷冰，敷完冰之後再繼續打...我好記得有啲Shot原本諗住Take多啲我正面，但因為我當時已經痛到Outfocus（失咗焦）、眼神勁浮，我都只能夠盡全力去做；拍出嚟好睇，辛苦都值得嘅，而且成隊Crew都好Sweet，好窩心！所以今次拍劇好開心。」他續稱阿Mo對手亦腫晒，還大讚阿Mo好友善：「佢會同我講，你繼續咁做就得㗎喇，你放心...放膽去做就得㗎喇！」自言身手是被打得多熟能生巧。
陳豪仲有唔少打戲！
陳豪耍「白蠟桿」！
彭迪安硬食呀！
好激烈！
彭迪安話差不多每集都受傷。
果然係「容易受傷的男人」。
