娱乐圈夫人｜陈友将爱妻事迹搬上音乐剧警世人 黎瑞恩：珍惜眼前 陈友和黎瑞恩（小恩子）今日（8/10）现身北角出席《娱乐圈夫人》音乐剧记者会。陈友受访时表示：「呢个音乐剧系讲我同我太太嘅故事，因为太太有咗骨癌绝症，医生就话佢得几个礼拜嘅时候，之後佢就会走。听到呢个消息之後，我好难过，发觉原来佢等咗我四十几年，嗰一刻先知道自己对佢有好多亏欠。自责之前只系挂住追遂自己嘅名利，完全忽略身边嘅人，到最後竟然佢好得返，我觉得系一个神蹟。变咗之後十年，我都一路做见证，到旧年突然之间想写呢样个故事出嚟，希望能够仲有日子里面，做返一啲对嘅事。」 小恩子接着说：「相信每一位嚟睇嘅朋友，都会攞到一啲嘢走，令到大家有一个深刻体会，明白到要珍惜眼前人。好多时做太太为咗个家庭嘅都会紧守岗位，希望老公能够专心工作赚钱养家之余，又可追寻自己嘅梦想。但有时做太太嘅又好想老公返嚟陪自己，内心都会几矛盾，变咗个冲击都好大。」
