【On.cc】鍾柔美詹天文期待佛山開唱 曾傲棐想向曾比特偷師
「聲夢小花」鍾柔美(Yumi)、詹天文(Windy)和英皇歌手曾傲棐（Arvin)今日現身馬鞍山MOSTown新港城中心xmofusand的「MOST-Exploring喵喵聖誕探險記」擔任揭幕嘉賓，吸引數百途人圍觀。
詹天文（左起）、鍾柔美和曾傲棐現身馬鞍山MOSTown新港城中心xmofusand。
3位新世代新人王與粉絲大玩試食及裝飾聖誕樹遊戲，又分別獻唱兩首歌。其中Windy和Yumi帶同dancer跳唱《大雕刻家》和《y2k還襯我麼？》及《狂野之城》炒熱氣氛。而Arvin演唱《FM 520》大晒海豚音。他們並寫下對未來祝福及願望的明信片投入「漫『郵』時光郵局」的未來郵箱，送給明年2026年12月的自己。
Windy和Arvin都是貓奴，Windy指兩隻貓咪好似mofusand，很想帶貓貓來打卡，又指兩隻貓分別居住在香港和廣州，讓她去到邊都有貓陪伴，平淡生活變得好治愈。Arvin搞笑愛將貓仔當貓女湊，想為貓咪影港女打卡照。Arvin說生日願望經常會忘記，所以想寫下明年1月的生日願望投入未來郵箱送給自己，Yumi亦有同感會寫下生日願望，藉此鼓勵自己。Windy會寫下鼓勵自己的說話，守住做歌手的初心。
Yumi和Windy受訪時透露，下月28日Yumi、Windy和Chantel將合體在佛山舉行音樂會，非常期待。聖誕將至，Windy表示雖然學校無聖誕假期，但學校方面好支持她的音樂事業，會有時間返港工作。Yumi生日在12月，每年生日及聖誕都會同家人一齊慶祝。Yumi近來愛上健身，今日她輕露腰肢展露成果，她就笑說尚未練出成果，只是較之前結實，希望練出線條：「覺得呢個年紀最啱開始健身，開始咗幾個月，驚太遲開始，好難練到線條和體能，（有人激發你？）無人激發我，係覺得跳舞都唔夠，因為返學讀書成日坐好易肥，唔可以咁樣，想練出馬甲線。」並指Windy較她有成果，Windy就指自己只有一條隱約的線，但不知道是否馬甲線：「希望條線深啲，目標想有腹肌，覺得好型。」
提到炎明熹（Gigi）將於平安夜舉行《風之旅》演唱會，Windy笑說：「風之旅，話明風，我一定會去睇啦，好耐無聽佢唱歌，舞台劇都會支持，自己做完舞台劇都知舞台劇難度幾大，相信Gigi會做得好。」Yumi表示二人返學時間難遷就，可能要獨自捧場。提到JW（王灝兒）轉做獨立歌手一事，她們表示很耐未見過JW所以並不知情，覺得做獨立歌手需要好大勇氣，會祝福對方。
同場，曾傲棐（Arvin)解釋將布偶貓仔當女湊，純粹因為他個人喜歡粉紅色，覺得貓貓着粉紅色好看。問會否偏愛女仔着粉紅色？他就表示對女仔衣着無特別想法，但對着粉紅色衫的貓公仔購買意欲就特別提升。提到歌手曾比特加盟英皇，Arvin表示見過曾比特，表示：「我哋仲同Team，同姓三分親，同組七分親添！想向師兄學嘢，佢係實力唱將，（你都唱出海豚音？）我係海狗音。」Arvin本月28日將迎來入行首個個人音樂會《Lunatique》，自爆有點焦慮，自認百厭好想多方面參與，今次有份參與編曲方面。
「MOST-Exploring喵喵聖誕探險記」盛況空前。
活動吸引數百途人圍觀，場面相當熱鬧。
鍾柔美勁歌熱舞。
鍾柔美台上施展渾身解數。
鍾柔美（右）和詹天文人氣高踞不下。
鍾柔美（右）和詹天文為「MOST-Exploring喵喵聖誕探險記」擔任揭幕嘉賓。
詹天文演藝事業如日方中。
詹天文台上載歌載舞。
曾傲棐獻聲繞樑三日。
曾傲棐獻唱，粉絲逼爆商場。
