【On.cc】郭柏妍孭飛兩台慶劇演技捱批 「賣慘」公開求饒不獲同情急認衰
無綫小花郭柏妍備受力捧，最近更接連在台慶劇《金式森林》及《新聞女王2》有份演出，但網民似乎不認同其演技，對於負評聲音，郭柏妍日前就在社交網發文意有所指：「有一種感覺是希望大家都會顧及我感受」，暗示求網民手下留情。
豈料她求饒不成，反而有反效果，引來更多網民怒插：「你入得演員呢行，係要識得演戲，唔係要求觀眾『扮』好喜歡你」、「搵咁多錢一個月，仲要其他人顧及你嘅感受真係好鬼死貪心，重點係你真係做得唔好喎」，對此她立即認低威：「會努力學習，的確有很多不足嘅地方」，而有網民指她「你拍劇機會比其他人多咁多，但演技一直冇進步過唔過得去先」，她亦直認不足：「過唔去會努力的」。至於有人質疑「入得行都係搵老細」，她亦高EQ幽默回應：「屋企有好多大老細，爸媽同埋最大嘅老細，我細佬」。
郭柏妍連續兩套台慶劇均有份演出。
演技備受質疑。
日前她發文求大家顧及其感受。
反而更惹來反感。
立即認衰平息怒火。
