【On.cc】許靖韻沙排賽前特訓扭傷腳趾 張馳豪發揮超水準
女圑VIVA成員Ada和VALC、Lolly Talk成員Elka、周殷廷、張馳豪（Aska）、許靖韻（Angela）、黃明德（Dark）、顧定軒（Zeno）、電台DJ及4位專業運動員分兩隊齊出戰《沙灘排球 Get Set Play》活動。
許靖韻施展真功夫。
Angela賽前與隊友進行連串特訓，她說：「喺第一次練波嗰日，可能因為平時喺室內打開排球，而且好耐都冇打沙排，嗰晚返到屋企先發現3隻腳趾拗柴，全部瘀晒變成黑色。自從中學之後就冇打過比賽，今次比賽令我諗起以前打校隊同大家一齊練波嘅日子。今日天氣好好，覺得好似返咗中學咁熱血。」
張馳豪打波有難度。
Ada和VALC於上年參加《903 AllStar 排球賽》，超水準球技備受網民讚賞，今次分別代表DJ隊參加沙排比賽，她在第二局為隊伍開球連取6分，表現亮麗，Ada說：「比賽前一個半月，我哋每個禮拜就會練1至2次波。今日連續開咗6球，冇諗過自己嘅表現都非常唔錯，所以好開心。喺正式沙排賽事，我最期待嘅就係大家好瞓身去救波，因為奮不顧身咁去救起粒波嘅嗰種感覺好熱血，而且場上得兩個人嘅時候，對佢哋默契同配合嘅要求係非常之高。」
顧定軒超水準表現。
VALC則不滿意自己的表現：「今次有專登練沙排，不過開波方面對自己有啲失望，因為都失咗好幾球。而且今次都練咗新嘅跳法去開波，覺得有少少可惜。第二局最後1分換入去嘅時候，set 咗1球畀隊友 Jeff 打殺波，贏咗嗰下 feel 到大家好齊心。正式嘅沙排賽得兩位球員，所以除咗考驗力量，其實都好考眼睛同大腦，好期待喺比賽中見到運動員大腦高速運轉，同接角球嘅精彩場面。」
各不相讓。
VIVA派VALC及Ada出戰。
VALC不太滿意自己表現。
同樣是中學排球隊成員的 Elka首次接觸沙排，不過在第3局暫時落後於敵隊14 比 8 時，她 負責最關鍵性的1球，可惜緊張之下發球失誤輸掉。Elka 指：「今次球賽最深刻嘅就係最關鍵性嘅1球由我嚟開，當場緊張感直升100分。之前冇打過沙排，一直感覺上都以為同排球係同一樣嘢，今次發現原來沙排係困難好多。第一可能係落場嘅人數少啲，第二係喺沙上面速度原來會慢好多，第三係個波嘅重量同普通排球唔一樣，所以對我嚟講都係一種挑戰。」
戰況激烈。
初次接觸沙排的周殷廷所屬隊伍得分，但十分享受沙排比賽，他表示：「第一次接觸沙排嘅感覺比我想像中難好多，因為從來都冇乜點玩過，所以喺協調上面係完全仲係適應嘅狀態當中。比賽最深刻嘅一幕，係我用頂頭槌嘅方式去頂返個波轉頭，然後先發覺『咦！我唔係踢緊波』，如果有下次，我一定會再參加。」
全力扣殺。
周殷廷初次接觸沙排。
運動健將張馳豪（Aska）中學時期已接觸沙灘排球，今次 隊友顧定軒（Zeno）及DJ天欣默契十足，從接球、傳球到扣殺，多次為隊友取得分數，Aska 指：「我好掛住排球，今次有機會同一班DJ、歌手朋友們一齊打沙排係好開心。平時有做開運動，中學時代亦有打過沙排，所以都發揮得唔錯。今次最深刻係睇到4位運動員嘅表演賽，強者對強者，好震撼，佢哋真係好犀利。」
