三代“港姐”激烈肉搏！刘佩玥遭遇“双刘”分裂，郭柏妍做“第三者”！

《隐形战队》开播两周年

另一部同题材、同监制

班底又相似嘅剧集即将开播

琴日，杀青两年嘅

警匪片《夺命提示》

终于官宣3月17日晚首播

呢部电视剧从拍摄开始

受到观众高度关注

陈山聪、张振朗、刘佩玥

刘颖镟、郭柏妍、丁子朗等

一众参演演员齐齐晒官宣海报

俊男靓女埋堆赚足眼球

消息一出

网友纷纷表示期待

但经历上年嘅撤档

网友心入面都罗罗挛

喊话“唔好再放飞机啦”

TVB今次仲放出

最新嘅30秒预告

为大家打咗剂强心针

//////

预告开头就科技十足

手机里面嘅人工智能

传出夺命消息

警匪片当然少不了

真刀真枪嘅激烈打斗

展现非常TVB嘅风格

其中最抢fo嘅

当属三位女演员

刘佩玥、刘颖镟、郭柏妍

身着小背心、短裙

成个look干练又性感

网友真係眉精眼企

睇预告片中女演员嘅造型

就话估到係边个监制

《夺命提示》嘅监制文伟鸿

早前推出嘅

《超能使者》《隐形战队》

无论画面同收视都非常火爆

佢制作剧集最大嘅特色

必定有女艺人短衫短裤秀身材

打打杀杀秀拳脚功夫

//////

早前

饰演“女二”嘅刘颖镟

接受采访就提到

剧中佢有唔少性感镜头

而且仲有好多造型未公开

近年来

刘颖镟凭借动作片角色

得到唔少观众喜爱

已经成为TVB新一代打女

喺《夺命提示》预告片中

佢负责打头阵

一出场就着背心短裤

向对手施展长腿攻击

送出夺命锁颈剪刀腿

刘颖镟表示

虽然拍过多部动作片

但《夺命提示》

係佢入行以来打得最劲抽嘅

今次

佢同新晋“视帝”张振朗搭档

张振朗就係凭借警匪片出圈嘅

型男靓女嘅组合好养眼

而大家最想睇嘅仲有

刘颖璇同刘佩玥嘅“双刘组合”

佢哋喺《隐形战队》中

就已经并肩作战

号称剧中嘅“最强组合”

今次佢哋仲多咗一个“第三者”

监制就安排咗郭柏妍

同“二刘”分别做拍档

喺预告片中

大家已经见到“妍玥CP”

齐齐着白色背心

飞枪动作飘逸

郭柏妍、刘颖璇出场

短裙长靴索爆全场

~呐~

《夺命提示》咁多组合

大家最想睇边一pair嘅剧情？

资料来源：微博、小红书、剧照等

网络信息综合整理

编辑：黄译萱

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆【小红书】Color班马

都可以买到《可乐生活》▼▼▼