海俊傑太太急性肝硬化痛哭求助 馬國明、譚俊彥：希望佢吉人天相
海俊傑在昨晚拍片痛哭求助，表示太太因急性肝硬化而急需150萬換肝。短片迅即成為新聞焦點。與海俊傑曾經合作幾套劇集的馬國明和譚俊彥出席《新聞女王2》宣傳活動，他們接受訪問時，也表示對事件關心。
馬國明說：「希望佢太太等得切換肝啦。」譚俊彥說：「希望佢吉人天相。」馬國明和譚俊彥也表示，事前不知道海俊傑太太的狀況，直至昨晚才知悉。馬國明：「海俊傑係一個好有活力嘅人，成日喺現場都會搞氣氛，有陣時佢又會喺度唱歌，所以真係唔知有咁多嘢。」
問到，有否透過中間人，或親自搵他們籌款。馬國明回答：「冇喎。」譚俊彥也回答：「淨係開工時候見，或者慶功嘅時候。」馬國明：「收工飯見到會傾吓偈，但係佢都冇表露過問題。」
會否主動聯絡幫手？馬國明：「er⋯⋯我都唔知，睇吓點。」譚俊彥：「因為年尾都有好多呢啲事情，咁我哋心裏面都希望，縱使有身體唔舒服，都希望佢吉人天相。你知，上個禮拜都有走咗好多位，最緊要身體健康。」與海俊傑太太是否認識？譚俊彥回答：「未見過，但係喺佢口中聽過好多佢太太嘅事。」
TVB[超话]
