【On.cc】關智斌開唱掃金添旺氣 獲老闆楊受成送金帆船
英皇歌手關智斌（Kenny）昨日（5日）宣布舉行演唱會，今日（6日）就心思思到英皇珠寶「掃金」先旺一旺，而且有全盤計劃，諗住施展「屈金大法」搏老闆楊受成送禮，豈料老闆竟然快一步，一早準備了一隻「一帆風順」金帆船等他，Kenny開心到彈起並自爆：「我仲諗住屈佢㗎！」
關智斌必定會全力以赴報答老闆楊受成，瞓身做好個Show。
Kenny笑到四萬咁口自爆整個「屈金計劃」，他笑說：「我頭先特登打畀老闆秘書，問老闆會唔會巡舖，諗住捕住佢，等我有折頭或者屈吓佢送嘢嘛！」結果真的被他捕獲老闆入舖，但楊受成先開口說：「我有嘢送畀你呀！」Kenny當堂呆咗：「吓？我仲諗住屈你喎老闆！」楊受成隨即着同事拿出預先訂製的金帆船，Kenny即興奮：「真係㗎？多謝呀老闆！我仲諗住要出招㖭！」
關智斌獲英皇老闆楊受成贈金帆船。
自言是「八卦仔」的Kenny坦言最近迷上「擺金陣」：「話要多啲金嘛！我諗住錄音室、化妝間全部擺金！」楊受成笑說：「啲金好貴喎，你條友仔！」Kenny則雄心壯志地說：「我依家目標好明確，做好個Show，下次再開就可以收多啲金...同埋錶！」更笑指這是員工福利。
Kenny笑到四萬咁口自爆整個「屈金計劃」。
楊受成為Kenny打氣期間突然爆出一句：「聽講你個『波霸』好犀利！」Kenny即急急澄清：「個Body吖嘛！到時Show畀你睇。」嚇到老闆耍手擰頭：「嘩！唔使唔使！千祈唔好！」最後老闆祝他：「一票難求！一帆風順！」力撐，Kenny即冧爆說：「我會努力！爭氣！」臨走前Kenny得意洋洋說：「任務達成！搶咗嚿金返嚟...呀，唔係搶，係老闆送嘅！」他又指必定會全力以赴報答老闆，瞓身做好個Show：「咁就可以再收多啲金！」
英皇老闆楊受成先開口說：「我有嘢送畀你呀！」
英皇老闆楊受成早有預備。
關智斌歡喜若狂。
英皇老闆楊受成祝關智斌：「一票難求！一帆風順！」力撐。
關智斌多謝英皇老闆楊受成。
金帆船分量十足。
