【On.cc】黎澤恩獲女神圍 冧完關嘉敏再讚陳星妤Charm
組合Mr.成員黎澤恩（Ronny）近年於電視圈發展不俗，雖然不是主角，但所演角色都獲得觀眾關注，如早前播出的《刑偵12》、《執法者們》等，都有他的身影，尤其演《刑》中飾演暗黑人格角色，更加獲得不少讚賞。所演角色受歡迎，令他近月於社交平台的粉絲多了6、7千人，同時又多了商演「搵真銀」的機會。如早前他與視帝馬國明一起出席車行開幕活動，以及跟好友關楚耀接受新加坡亞洲電視大獎邀請，一同為於亞洲國際博覽館舉行的慈善拍賣會擔任嘉賓，搞作多多。
黎澤恩演出多套熱播劇，入晒屋。
圈中好友一籮籮。
黎澤恩本身係組合Mr.成員。
近期，他更連環與兩位靚女藝人合作，與女神關嘉敏為劉洋新歌《別離開我》拍攝MV，並且飾演一對情侶，談到拍攝時的趣事，他表示：「因為拍攝個日喺郊野，仲要啱啱落完大雨，所以好多蚊，雖然我已經噴咗蚊怕水，但短褲個褲腳位冇特別噴，結果，畀隻蚊飛咗入短褲裏面針咗一下，當時覺得好痕但又唔可以用手去搔癢，有啲失儀之餘，仲因為隻手好忙，要跟劇情去摸關嘉敏個頭同幫佢戴朵花。」
黎澤恩同關嘉敏為劉洋新歌拍MV。
黎澤恩自爆短褲裏面畀隻蚊針咗一下。
好多Sweet爆畫面。
至於跟陳星妤則因拍劇結緣，Ronny指跟對方首次合作，覺得對方對演戲甚有熱誠，就算對白不多，都會非常用心去研究劇本，務求做到最好！除此之外，他還發現陳星妤甚受異性歡迎，經常會有男士主動希望跟她合照留念，是一位非常有吸引力的女演員。
轉頭又同陳星妤合作。
大讚陳星妤非常有吸引力。
南皇娱乐城
贝贝